Alt
 
 
í tíni kurv
Samlað ordra upphædd
Vís innkeypskurv
(
vørur)
Vørunr. Vørunavn Eind Mynd Goymsla Prísur v/MVG
Festool tíðindaskriv

Tað verður Jakob Quaade frá Festool í Danmark, ið kemur at vísa fram nýggj amboð av merkinum Festool.

Merkið Festool stavar heilt afturi frá 1925, tá Gottlieb Stoll stovnaði virkið Festo. Í 2000 bleiv navnið broytt til Festool.

Festool er veitari av professionellum el-amboðum til fakmannin. Festool leggur seg eftir at hava høga góðsku og at veita fullfíggjaðar arbeiðsskipanir og loysnir. Vørurnar frá Festool eru altíð av sera høgari góðsku heilt niður til minstu smálutirnir. Harafturat leggur Festool seg eftir at gera amboðini so ergonomisk sum gjørligt. Tískil eru amboðini frá Festool nakað heilt serstakt.

Nú hevur tú møguleika at síggja tey nýggju Festool amboðini. Fleiri nýggj amboð eru komin á marknaðin seinastu árini frá Festool og seinastu tvey árini er Festool eisini komið við nýggjum hugtøkum, so sum PowerSelect – Unplugged og SERVICE all-inclusive. PowerSelect – Unplugged merkir at amboðini verða latin sum basisversiónir í kufferti uttan battarí og løðara. T.v.s. at ein sjálvur keypir battarí og løðarar og harvið sjálvur velur, hvussu nógvar løðarar og battarí brúk er fyri. Prísurin á leysum battaríum og løðarum er ógvuliga rímuligur.

Sum nakað nýtt eru battaríini nú 5,2 Ah og ikki 4,2 Ah, sum tey hava verið. Tað merkir at tey halda 25% longri enn áður og tað sostatt ikki er neyðugt at skifta battarí so ofta sum fyrr. Hugtakið Service all-inclusive merkir frí umvælingartænasta í 3 ár – hetta er eisini galdandi fyri slitlutir. Umframt umvælingartænastu umfatar Service all-inclusive eisini eina tjóvarítrygging, sum eisini er galdandi á arbeiðsplássinum. Um tú ikki ert nøgdur við amboðini kanst tú lata tey inn aftur innan 15 dagar og fáa peningin aftur, sum tú hevur givið fyri tey.

Eisini lovar Festool at tú fært eykalutir til maskinuna. Um eykalutir ikki fáast, fært tú eina nýggja maskinu ókeypis. Frá og við 2015 eru øll battarí og allir løðarir – eisini tað, ið er keypt í leysum – við í SERVICE all-inclusive. Tað er ókeypis at luttaka á demodegnum tann 25. februar og Jakop Quaade gleðir seg at fáa eitt handverkaraprát við teg.