Alt
 
 
í tíni kurv
Samlað ordra upphædd
Vís innkeypskurv
(
vørur)
Byggitilfar
Vit hava byggitilfar til allar loysnir. Vit vita... Tú dugir... www.balslev.fo á netinum síðan 2001
Vørunr. Vørunavn Eind Mynd Goymsla Prísur v/MVG


Stór handverkaramessa

Bygma Balslev bjóðar til stóra fakmessu innan byggivinnuna fríggjadagin 23. mai 2014.

Tann 23. mai verður stór handverkaramessa hjá Bygma Balslev í Hoyvík. Hetta verður helst størsta messa av
sínum slagi – bæði viðvíkjandi tali av framsýnarum og stødd í fermetrum.

Í ár verða ikki færri enn 32 framsýnarar á messuni, ið fyrst og fremst er ætlað handverkarum og fakfólki annars.

Nógvir serfrøðingar vera millum framsýnararnar, líka frá Expandet, ið er serveitari av øllum innan boltar og skrúvur og til Mascot, ið selir klæðir til arbeiðsmenn og handverkarar.

Av øðrum framsýnarum kunnu vit nevna Profile, ið eru serkønir innan límtræsbjálkar og Rias, ið veitir plast til byggivinnuna.

Husqvarna, Makita, Dewalt og Milwaukee verða eisini við á framsýningini. Hesir eru allir veitarar av professionellum el-amboðum.

Sostatt er okkurt spennandi til einhvønn, ið leitar sær niðan á messuna fríggjadagin 23. mai. Um tað so er handverkarin, ið hugsar um at keypa nýggj amboð, ella tað er verkfrøðingurin, ið vil leita sær kunnleika um tað seinasta nýggja innan verkfrøðina.

Vit hava riggað okkum væl til at taka ímóti gestum, og samanlagt verður messuøkið 1.092 fermetrar og verður tað á tremur við góðum hýri, hópin av vitan, tilboðum, nýggjheitum og onkrum góðum til góman.

Samanumtikið kunnu vit siga, at hetta verður eitt risatiltak fyri fakfólk, sum ikki eigur at fara aftur um bak uttan eina vitjan.

Heðin Mortensen setur messuna tann 23 mai kl. 14, og opið verður frá kl. 14.00 til 20.00.